Ғалати танлов: “Манчестер Юнайтед” атиги битта гол урган ҳужумчини оляпти

“Манчестер Юнайтед” ҳужум чизиғини кучайтириш учун янги ўйинчи олишга қарор қилган. Манчестерликлар бу позицияга “Астон Вилла” вакили Леон Бэйлини мўлжаллаяпти.

Sky Sports нашрининг маълум қилишича, клуб 27 ёшли қанот ҳужумчиси тезроқ қўлга киритишга уриняпти.

Бироқ қизиғи шундаки, жорий мавсум Леон Бэйлининг самарадорлиги тушиб кетган. Ямайкалик ҳужумчи барча турнирларда 29 маротаба майдонга тушиб, атиги битта тўп киритган холос.

Унинг “Астон Вилла” билан шартномаси 2027 йилнинг ёзигача давом этади. Transfermarkt портали экспертлари Бэйлини 38 миллион еврога баҳолмоқда.

Ҳар икки қанотда ўйнай оладиган ҳужумчи профессионал фаолияти давомида Бельгиянинг “Генк”, Германиянинг “Байер” клублари ҳам тўп тепган. “Астон Вилла”  уни 2021 йилнинг ёзида 32 миллион евро эвазига трансфер қилган эди.