Гандболчиларимиз жаҳон чемпионати йўлланмасини қўлга киритди

Таиланднинг Паттая шаҳрида гандбол бўйича Trophy кубогининг Осиё минтақаси бўйлаб ўтказилган қизлар ўртасидаги беллашувлари ниҳоясига етди. Аҳамиятлиси, унда иштирок этган Ўзбекистон У17 терма жамоаси ҳам барча рақибларини мағлуб этиб, олтин медални қўлга киритди.

Ҳамюртларимиз финал беллашувида Ҳиндистон жамоасини 40:33 ҳисобида мағлубиятга учратишди. Ушбу ғалаба эвазига мазкур жамоамиз келаси йил 18 ёшгача бўлган қизлар ўртасидаги жаҳон чемпионати йўлланмасини қўлга киритди.

Эслатиб ўтамиз, бундан аввал ўтказилган У19 тоифасидаги беллашувларда ҳам юртдошларимиз бош соврин ва мундиал йўлланмасига эга чиқишган эди. Бу ҳақда МОҚ хабар бермоқда.