Гарначо МЮ сотган энг қиммат футболчилардан бири бўлади

"Манчестер Юнайтед" вингер Алехандро Гарначони "Челси" клубига сотишга тайёргарлик кўрмоқда. Клублар ўртасида аллақачон келишувга эришилган бўлиб, трансфер қиймати 40 миллион фунт стерлингни ташкил этади.

21 ёшли аргентиналик футболчи "қизил иблислар" томонидан сотилган энг қиммат ўйинчилар рўйхатида тўртинчи ўринни эгаллайди.

Рейтинг етакчиси Криштиану Роналду (94 миллион евро, "Реал Мадрид") бўлиб қолмоқда, иккинчи ўринда Ромелу Лукаку (74 миллион, "Интер"), учинчи ўринда эса Анхел ди Мария (63 миллион, ПСЖ). Гарначо ҳозирда тўртинчи поғонада жойлашган Девид Бекхэмдан (37,5 миллион, "Реал Мадрид") ўзиб кетади.