Гарсия "Барселона" билан шартномасини узайтиради

"Барселона" Эрик Гарсия билан шартномани узайтириш бўйча ишламоқда. Раҳбарият ҳимоячи билан деярли келишувга эришиб бўлган, келаси ҳафтада буни эълон қилиниши кутилмоқда. 

Фабрицио Романога кўра, янги битим 5 йиллик бўлади. ПСЖ яқиндагина ҳолатни ўрганмоқчи бўлди, лекин Гарсия "Барселона"да қолишни танлаб бўлганди. Шунингдек, ўтган мавсумда "Барселона" футболчи бўйича "Комо" билан 8-9 миллион евролик келишувга эришиб бўлганди. Аммо Ханс-Дитер Флик сўнгги дақиқаларда трансферни барбод қилиб, Эрикни олиб қолганди. 

Гарсиянинг янги шартномага қўл қўйишини Деку ҳам тасдиқлади: "Фақатгина сўнгги деталлар қолди... Аммо Эрик аниқ янги шартнома имзолайди". 

24 ёшли испаниялик ҳимоячи 2021 йили "Манчестер Сити"ни тарк этиб, эркин агент сифатида "Барселона" сафига келиб қўшилганди. Шундан кейин у бир мавсумни "Жирона"да ҳам ўтказган.