Гавидан кўра яхшироқ мавсум ўтказган футболчилар бор

"Бавария" бош мураббийи Юлиан Нагельсманнинг фикрича, шогирди Жамол Мусиала ва Дортмунднинг "Боруссия" клуби ярим ҳимоячиси Жуд Беллингем 21 ёшгача бўлган "йилнинг энг яхши футболчиси" унвонини қўлга киритган "Барселона" футболчиси Гавидан кўра совринга муносиброқ эди.

Мусиала овоз беришда учинчи бўлди, у нафақат Гавига, балки “Реал” ярим ҳимоячиси Эдуардо Камавингага ҳам имкониятни бой берди, Беллингем эса тўртинчи ўринни эгаллади.

“Менинг фикримча, Мусиала ҳам, Беллингем ҳам мукофот соҳибига қараганда яхшироқ мавсумларни ўтказишди. Аммо Гави - ажойиб ўйинчи, мен ҳам у учун хурсандман", - дея Нагельсманнинг сўзларини келтирди "Bayern& Germany" нашри.