Геннадий Головкинни жангга чорлашди

 WBAнинг ўрта вазн тоифасида вақтинчалик чемпиони британиялик кичик Крис Юбенк  IBF ва IBO йўналиши чемпиони қозоғистонлик Геннадий Головкинни жангга чорлади.

“У менинг рўйхатимда биринчи ўринда турибди. Аслида, биз 2016 йилда учрашишимиз керак эди. Аммо жангни мендан шунчаки “ўғрилаб”, сўнгги дақиқаларда Келл Брукга тақдим этишган. Ваҳоланки, мен доим Головкин билан жанг қилмоқчи бўлганман.

 Одамлар бу йигитни қадрлашади. Аммо мен уни мағлуб этишим мумкинлигини биламан. Уни енгишим учун ўзига хос қобилиятим ва услубим борлигини ҳам биламан. У тезлигимга бардош бера олади, деб ўйламайман.

Головкин яна иккита катта жангни ўтказди ва кейин фаолиятини якунласа керак. Мен бу жангни кўп йиллар кутдим”, -деди Юбенк.

Манба: Sky Sports