Геннадий Головкиннинг навбатдаги жанги санаси, манзил ва рақиби аниқ бўлди

Профессионал бокс оламида энг номдор чарм қўлқоп усталаридан бири ҳисобланган қозоғистонлик Геннадий Головкин (41-1-1, 36КО) навбатдаги жангини 28 декабрь куни япониялик Рёта Муратага (16-2, 13КО) қарши ўтказади. Япониянинг Кобе шаҳрида ўрта вазн тоифасида бўлиб ўтадиган мазкур баҳсга Головкинга тегишли IBF ва Муратанинг WBA жаҳон чемпионлик камари қўйилади. 

Иккала томон ҳам бу борада келишувга эришган, фақатгина DAZN тасдиғи  кутилмоқда.

Эслатиб ўтамиз, Лондон Олимпиадаси ярим финалида Мурата ҳамюртимиз Аббос Атоевни мағлуб этган эди.