Glory ва RISE супер турнир ўтказади ёхуд Анвар Бойназаровнинг собиқ рақиби юз минг доллар ютиши мумкин!

Куни кеча Glory ва RISE промоушенлари 21 декабрь куни қўшма турнир ўтказишини маълум қилишди. Ушбу турнир доирасида ярим енгил вазн тоифасида Гран-при ҳам ўтказилади. Бугун ҳар икки ташкилотдан ушбу турнирнинг барча иштирокчиларини малум қилишди.

Glory шарафини ярим енгил вазн тоифасида амалдаги чемпион Петчпаномрунг Киатмукао ва  Мигел Триндаде, Абраҳам Видалес ва Бержан Пепоси ҳимоя қилади.

РИСЕ жангчилари рўйхати эса қуйидагича: Кенто Харагучи, Чадд Коллинз, Тайжу Ширатори ва Ли Сунг Хюн.

Бош мукофот соҳиби 100 000 доллар олади.

Маълумот учун, Glory нинг ярим енгил вазн тоифасида амалдаги чемпион Петчпаномрунг Киатмукао чемпионлик жангида ҳамюртимиз Анвар Бойназаровни ҳам очколарга кўра мағлуб этганди.