Головкин: Қозоғистон IBA’дан чиқиб, World Boxing’га ўтиши керак!

Ўрта вазн тоифасида собиқ жаҳон чемпиони (72,6 кг гача) қозоғистонлик Геннадий Головкин миллий федерация IBA’дан чиқиб, рақиби World Boxing’га ўтишини хоҳлаётганини айтди.

“Ўз навбатида, биз федерацияни World Boxing’га қўшилишга ишонтиришга ва ушбу қароримизда якдил туришга ҳаракат қиляпмиз. Биз буни қилишга уриниб кўрамиз ва раҳбариятни бу қарорга ундашда давом этамиз. Аммо қарор Қозоғистон бокс федерациясида қолади, бу унинг эркин танлови. Унинг қарори”, - дея Головкиннинг сўзларини келтиради Reuters агентлиги.

Эслатиб ўтамиз, жаҳон ҳаваскор боксидаги бўлиниш ташқи сиёсий вазият фонида юз берди. Келиб чиқиши АҚШ ва Буюк Британия бўлган World Boxing муқобил ташкилоти 2023 йилда тузилган. Шундан сўнг, баъзи миллий федерациялар IBA’дан чиқишларини эълон қилишди.