Гўзал теннисчи илк совринига эга бўлди

 

Америкалик Лорен Дэвис Янги Зеландиянинг Окленд шаҳрида аёллар ўртасида ўтказилаётган халқаро теннис турнирида бош совринни қўлга киритди.

 

Лорен Дэвис финалгача бўлган ўйинларда голландиялик Кики Бертенсни 7:6, 6:4 япониялик Куруми Нарани 6:3, 6:3, чехиялик Барбора Стрицовани 6:1, 7:6, Елена Остапенкони 4:6, 6:4, 4:1 (рад) ҳисобида енгди.

 

Бош соврин учун ўтказилган баҳсда Лорен Дэвис тажрибали хорватиялик теннисчи Ана Конюх билан рақобатлади. Бир соату 11 дақиқа давом этган финал баҳси 6:3, 6:1 ҳисобида 23 ёшли Лореннинг ғалабаси билан якунланди.

 

 

Жаҳон рейтингида 61-ўринни эгаллаб турган Лорен Дэвис фаолиятидаги илк совринини қўлга киритди.