Грандлар талашаётган тўпурар қайси клубга ўтиши аниқ бўлди

"Ред Булл Зальцбург" ҳужумчиси Карим Адейеми фаолиятини кучлироқ жамоада давом эттириши мумкин.

Маълумотларга қараганда, германиялик футболчини сотиб олиш учун асосий номзод Дортмунднинг "Боруссия"си ҳисобланади. "Асаларилар"нинг қизиқишини шахсан Каримнинг агенти тасдиқлади.

"Бир дортмундликлар билан шартнома имзолашга яқинмиз. Келишув 5 йилга мўлжалланган. Мижозим учун "Манчестер Юнайтед" ҳам курашмоқчи эди, аммо ҳозир бизга "Боруссия" керак",-деди агент.

20 ёшли форвард жорий мавсум "буқалар" либосида 42 учрашувда майдонга тушиб, ўз ҳисобига 23 гол ва 8 ассистни ёздириб қўйишга муваффақ бўлди.