Грилиш "Манчестер Сити"дан оддий жамоага ўтади

Ўтган мавсумда Жек Грилиш «Эвертон» таркибида ижара асосида ўйнаган ва ёзда Манчестерга қайтган эди.

«Сандерленд» клуби «Манчестер Сити»га инглиз ярим ҳимоячиси Жек Грилишни ижарага олиш бўйича расмий таклиф йўллади. Эҳтимолий келишув шартларига кўра, манчестерликлар 30 ёшли футболчининг маошининг маълум қисмини ўз зиммасига олиши кутилмоқда. Шунингдек, шартномага Грилишни «Манчестер Сити» билан амалдаги шартномаси тугамасидан олдин тўлиқ сотиб олиш имконини берувчи банд киритилиши режалаштирилган.

Грилиш ўтган мавсумни «Эвертон» сафида ижарада ўтказган. Январь ойида футболчи оёғининг таг қисмидаги суякни синидириб олган ва шу сабабли мавсумни муддатидан олдин якунлаган. Жароҳат олгунга қадар у 22 та ўйинда майдонга тушиб, 2 та гол урди ва 6 та голли узатма муаллифига айланди.

Жорий мавсумда эса Грилиш ҳалича етарлича ўйин амалиётига эга эмас. У «Манчестер Сити»нинг ҳар икки расмий учрашувида — Англия Суперкубоги доирасидаги «Арсенал»га қарши баҳсда ва АПЛнинг биринчи туридаги «Борнмут»га қарши ўйинда — иккинчи бўлимда захирадан майдонга туширилди.