Гризманн “Атлетико” мухлислари билан хайрлашди

Аввалроқ хабар қилганимиздек Антуан Гризманн бугун 24 март куни  “Орландо Сити” билан шартнома имзолади. Футболчи шу ёзда янги клуби сафига бориб қўшилади. Шу сабабли у мадридликлар мухлисларига ўзининг хайрлашув сўзларини йўллади.

”Менинг ҳис-туйғуларимни сўз билан ифодалаш осон эмас, чунки бу клуб менинг уйим, сиз эса менинг оиламсиз. Бу унутилмас ўйинлар, голлар, қувончлар ва иштиёққа тўла ақл бовар қилмас саёҳат бўлди, буни фақат "Атлетико"ни яхши кўрадиганларгина тушуниши мумкин.

Лекин келинг, ҳозирча келажакни келажакка қўйиб турайлик: чунки мен ҳали кетмайман. Ҳали бу жамоа либосида ойлар бор, ҳаётимни ўз стадионимизда ва унинг ташқарисида қолдириш, Испания Кубогини кўтариш ва Чемпионлар Лигасида имкон қадар узоқроққа боришни орзу қилиш учун ойлар бор. Бахтли бўлмоқ учун ҳали кўп имкониятларимиз бор.

Бу ерда қолган ҳар бир дақиқам ана шу тимсолга ҳурмат-эҳтиром бўлишини истайман. Энг яхшиси ҳали олдинда. Биз буни ҳар доимгидек қиламиз: биргаликда. Менинг ҳозирим 2026 йилги мавсумнинг сўнгги нафасигача қизил ва оқ бўлиб қолади. Ва менинг қалбим "Атлетико"га абадий содиқ қолади", - деб ёзди Гризманн ижтимоий тармоқда.

Эслатиб ўтамиз, Антуан “Атлетико” сафида 2014 йилдан 2019 йилга қадар тўп сурган, 2021 йилдан 2023 йилги мавсумга қадар “Барселона”да уйнаган. Гризманн жамоаси билан бирга Испания Ла Лигаси, Европа Лигаси ва УЕФА Суперкубогига эга чиққан.

Абдувалиев Азизбек