Гвардиола “Барса” устидан кулди

“Барселона” раҳбарияти Хосеп Гвардиола қўл остида тўп тепаётган ҳужумкор футболчи Бернарду Силвани сотиб олмоқчи. Каталонияликлар ҳозир плеймейкер Френки де Йонгни Англия премьер-лигаси вакиллари, хусусан, “Манчестер Юнайтед”га трансфер қилиш бўйича иш олиб бормоқда.

Агар нидерландиялик ярим ҳимоячи клубдан кетадиган бўлса, “Барса” португалиялик ўйинчини кўчириб келмоқчи.

“Сити” бош мураббийи Хосеп Гвардиола молиявий инқироздан чиқа олмаётган собиқ жамоасининг бу ҳаракатларига кулги билан муносабат билдирди.

- Ҳозир улар учун Бернардуни олишни орзу қилиш ҳам қийин, - деди Хосеп Гвардиола.