Гвардиола “Барселона” сўраган юлдузни берадиган бўлди

“Манчестер Сити ҳужумкор футболчиси Бернарду Силва фаолиятини Испания чемпионатида давом эттириши мумкин.

“Шаҳарликлар” португалиялик юлдузни 65 миллион евро эвазига “Барселона”га жўнатишга тайёр. Бу ҳақда Sport.es нашри хабар тарқатди.

Каталонияликлар анчадан бери Бернардуни ўз сафига қўшиб олишга ҳаракат қилаётган эди. Ўтган ёз улар Френки де Йонгни “Манчестер Юнайтед”га трансфер қилиб, ўрнига Бернарду Силвани олиб келмоқчи эди.

Лекин ўшанда “шаҳарликлар” 70 миллион евролик таклифни қабул қилмаган эди. Бернарду Силванинг ўзи эса, Манчестердан тезроқ кетиш илинжида юрибди. Буни инобатга олган раҳбарият футболчини қўйиб юборишга таййёр эканини билдирди.