Гвардиола: “Барселона”нинг ўйинларини кўриб завқланаман”

"Манчестер Сити" бош мураббийи Хосеп Гвардиола Ханс-Дитер Флик қўл остидаги “Барселона”нинг ўйинидан олган таассуротлари билан ўртоқлашди.

"Кўк-анорранглилар" ёрқин ҳужумкор услубда ўйнашмоқда, бу эса, "шаҳарликлар" устозининг фикрича, футбол ишқибозларига ёқмаслиги мумкин эмас.

“Фликнинг "Барселона" ўйинларини ҳар сафар имконият бўлганда томоша қиламан, чунки бу менга завқ бағишлайди. Баъзида биз ҳамма нарсани ҳаддан ташқари мураккаблаштирамиз, аммо охир-оқибат кинога ёки яхши ресторанга борганингизда, сиз шунчаки завқланишни хоҳлайсиз. Айтинг-чи, ҳеч бўлмаганда бир марта "Барса" ўйинидан завқ олмаганмисиз?", - дея Гвардиоланинг сўзларини келтиради Football Talk.

Испаниялик мутахассиснинг ўзи 2008-2012 йилларда Каталония клубида ишлаган. Флик бу лавозимни 2024 йилда эгаллаган.