Gvardiola braziliyalik hujumchini kutyapti

Anchadan beri kuchli hujumchi qidirayotgan “Manchester Siti” Braziliyadan yangi forvard taklif qiladigan bo‘ldi.

Xosep Gvardiola vakillari ayni paytda “Fluminense” rahbariyati bilan Kaykining transferini hal qilish arfasida turibdi. Inglizlar 17 yoshli hujumchi uchun 10 million evro va qo‘shimcha tarzda 7 million evro bonus berishga tayyor.

Futbolchining o‘zi ham yangi klubi bilan shaxsiy masalalarni kelish oldi. U “shaharliklar” bilan besh yillik bitim tuzadi. Ularning hamkorligi rasman 2022 yilning yanvaridan, ya’ni hujumchi Buyuk Britaniyada ishlash huquqini olganidan keyin boshlanadi.