Гвардиола: “Бугун Ҳусанов ҳеч нарса олиб келмади, фақатгина бор эътиборини ўйинга қаратди”

“Манчестер Сити” бош мураббийи Хосеп Гвардиола “Тоттенхэм”га қарши баҳсдан сўнг қишда жамоага янги қўшилган ҳамюртимиз Абдуқодир Ҳусанов ҳақида кўпроқ тўхталиб ўтди. 
 
"Менга ёқадиган жиҳати шуки, у аллақачон "Манчестер Сити" кийиниш хонасида жуда яхши қабул қилинган. Бугун у ҳеч қандай ювиниш сумкасисиз, ҳеч нарсасиз келиб, фақат футбол ўйнашга эътибор қаратди. У билан гаплашсангиз, доимо кулиб туради. 
 
Абдуқодир ишончли футболчи, жуда тез, чаққон, тўп билан пас сифатини ажойиб тарзда намойиш этади. Унинг чизиқларни ёриб ўтиш учун қобилияти ҳам бор. Албатта, у ҳали такомиллашиши керак, лекин атиги 20 ёшдалигини ҳам унутмаслигимиз зарур. Мен тезкор футболчиларни кўрганман ва у булардан биридир. 
 
Одамлар уни жуда яхши кўришади. Ҳусанов анча камгап, тинмай ишлайди, шикоят қилмайди, жуда камтарин ва ишончим комилки, бизнинг мухлисларимиз ҳам уни севиб қолишади. Биринчи ўйинда "Челси"га қарши қийин вазиятни енгиб ўтиш осон эмас. Бироқ, ўзбекистонлик ҳимоячи кейинги кунларда хотиржам қолди ва охирги ўйинларда ҳақиқатдан ҳам жуда яхши ҳаракат қилди" – деди "шаҳарликлар" бош мураббийи.

Маълумот ўрнида, миллий терма жамоамиз ҳимоячиси "шпорлар"га қарши баҳсда тўлиқ ҳаракат қилиб, 7.1 баллни қўлга киритди.