Гвардиола: "Ҳусанов ҳақида ҳам ўйлаяпман" (Матбуот анжумани)

Хабарингиз бор, "Манчестер Сити" Англия Премьер-лигасининг сўнгги турида "Фулхэм" билан куч синашиб, Гюндоган ва Холанднинг голлари эвазига 2:0 ҳисобида муваффақиятга эришди. Ушбу учрашувдан сўнг журналистлар жамоа бош мураббийи Хосеп Гвардиоладан Жек Грилиш билан бўлаётган ҳолат ҳақида сўрашди. Испаниялик мутахассис мазкур саволга жавоб бераётганда ҳамюртимиз Абдуқодир Ҳусанов ҳақида қисқача эслат ўтди. 
 
"Илтимос, мендан Жек ҳақида сўраманг. Ким айтди мен ундан мамнун эмасман деб? Мен ўз сўзларим билан ундан мамнун эмаслигимни айтдимми?! 
 
Рико Льюис мен учун энг севимли ўйинчиларимдан бири. У ҳам асосийдан жой олмади. Жеймс Макайти "Астон Вилла"га қарши ўйнади ва ажойиб натижа кўрсатди. "Вулверхэмптом"га қарши бошқа ўйинларда ҳам ажойиб ўйнади. Лекин бугун қайдномага ҳам киритилмади! 
 
Нега сиз мендан, масалан, Макайти ҳақида сўрамаяпсиз? Гап шахсий муносабатларда эмас, ўйинчилар билан ҳеч қандай муаммом йўқ. 
 
Ўтган ўйинда олти нафар ўйинчини таркибдан чиқаришим керак эди, бугун эса бешта. Чунки ўтган ўйинда Ковачич майдондан четлатилганди. Акс ҳолда, яна 6 ўйинчи кенгайтирилган таркибдан жой олмас эди. 
 
Назаримда, Жек ҳақида ўйлаганимдек, Абдуқодир Ҳусанов, Витор Рейс, Макайти ва "Фулхэм"га қарши ўйинда иштирок этмаган барча ўйинчилар ҳақида ҳам ўйлаяпман" - дея таъриф бериб ўтди 54 ёшли мутахассис. 
 
Эслатиб ўтамиз, шаҳарликлар АПЛНИ якунлаганидан сўнг 15 июньдан 13 июльгача давом этадиган Клублари ўртасидаги Жаҳон чемпионатида иштирок этади.