Гвардиола жамоа учун ўйиндаги қийин вазият нимада эканлигини айтди

Хосеп Гвардиола "Манчестер Сити"нинг "Эвертон"га қарши ўйинини яхши баҳолади.

- Биз жуда яхши ўйнадик. Бироқ, ҳозир жамоамиз шундай даврни бошдан кечиряптики, унда қуйидаги ҳолат кузатилмоқда: биз имкониятлар яратамиз, лекин рақиб дарвозамизга биринчи марта яқинлашиши биланоқ гол ўтказиб юборамиз. Шу сабабли яхшиланишни давом эттирамиз.

Бу бизнинг томонимиздан рақибга қарши ҳам ҳужум, ҳам ҳимоя нуқтаи назаридан жуда яхши ўйин бўлди. Биз жарима майдонидан ташқарида кўп марта зарбалар бердик, бироқ, истаган натижага эриша олмадик.

Ҳозир тикланиб, кейинги ўйинни энг яхши кайфиятда ўтказишимиз керак. Мана шу бизнинг қилишимиз керак бўлган нарса, - деди "шаҳарликлар" бош мураббийи.

Маълумот учун, "Манчестер Сити" 17-тур доирасида "Эвертон" билан 1:1 ҳисобида дуранг ўйнади. "Шаҳарликлар" барча мусобақалардаги сўнгги 13 та ўйиннинг фақат биттасида ғалаба қозонган.