Гвардиола "Манчестер Сити"нинг ёш футболчисини мақтади

Англия Кубоги доирасида "Манчестер Сити" ўз уйида "Солфорд Сити" устидан йирик 8:0 ҳисобида ғалаба қозонди. Ўйиндан сўнг жамоа бош мураббийи Хосеп Гвардиола "шаҳарликлар" сафида учрашувнинг энг яхши футболчиси бўлган Жеймс Макатини мақтаб ўтди.

"Жеймс узоқ вақтдан бери бизнинг акадимиямизда. Шу билан бирга у Жейдон Санчо, Коул Палмер, Морган Рожерс каби футболчилар билан бирга шуғулланган. У академиядаги энг катта истеъдодлардан бири. Бундан ташқари, юқорида санаб ўтган футболчиларнинг сардори ҳам ҳисобланган. Албатта, биз билан бирга еканлигидан хурсандман" - деди испаниялик мутахассис.

Маълумот учун, 22 ёшли яримҳимоячи "Солфорд"га қарши беллашувда хет-трик муаллифига айланган эди.