Гвардиола Родрининг ҳолати ҳақида: "У ҳали ўзини тўлиқ яхши ҳис қилмаяпти"

Хосеп Гвардиола жума кунги матбуот анжуманида Родрининг ҳолати ҳақида фикр билдирди.

Испаниялик ярим ҳимоячи сўнгги бир нечта ўйинни, жумладан "Эвертон"га қарши баҳсни ҳам ўтказиб юборди. Ўша учрашув 3:3 ҳисобида якунланган эди.

"Родри ҳали ҳам ўзини тўлиқ қулай ҳис қилаётгани йўқ. Унинг ҳолатини бугун кечроқ ёки эртага баҳолаймиз.

“Эвертон”га қарши иккинчи таймдаги тартибсиз ўйинга Родрининг йўқлиги таъсир қилдими? Йўқ. Биз рақибга гол уриш имконини ўзимиз бердик. Бу Родри майдонда бўлмагани учун эмас", — деди Гвардиола.

Эслатиб ўтамиз, 9 май куни "Манчестер Сити" ўз майдонида "Брентфорд"ни қабул қилади.