Гвардиола шогирдини Месси даражасига кўтарди

Англия Премьер-лигасининг 35-турида “Манчестер Сити” футболчилари ўз мухлислари гувоҳлигида “Вулверхэмптон” устидан кичик ҳисобда ғалаба қозониб, Европа Чемпионлар лигаси сари катта қадам ташлади.

“Шаҳарликлар”га уч очко келтирган ягона гол Кевин де Брюйне ҳисобига ёзилди. Аниқ зарба бельгиялик ўйинчига ажойиб натижа келтирди.

Кевин де Брюйне Хосеп Гвардиола қўл остида ўйнаган футболчилар орасида "Барселона"да ўйнаган Лионель Мессидан кейин “гол+пал” тизимида 150 балл жамғарган иккинчи ўйинчига айланди.

Кевин де Брюйна жамоага испаниялик мутахассисдан бир йил олдин – 2015 йили келган. Бир мавсум Мануэль Пеллегрини бошқарувида тўп тепган плеймейкер 16 та гол ва 13 та ассист қайд этганди.

Жамоани Гвардиола қабул қилиб олганидан кейин Кевин тўққиз мавсум давомида 92 та гол ва 158 та ассист қайд этди.

30 июнь куни клуб билан шартномаси тугайдиган Кевин де Брюйне “Манчестер Сити”ни тарк этади. У Хосеп Гвардиола Манчестерга келганидан бери ҳозиргача бирга ишлаб келаётган ягона ўйинчидир.