Гвардиола “Сити” Чемпионлар лигасига чиқолмаса нима бўлишини айтди

“Манчестер Сити” жорий мавсум чемпионлик унвонини ҳимоя қила олмайди. “Ливерпуль” футболчилари “шаҳарликлар”нинг гегемонлигини синдиришга яқин турибди.

Хосеп Гвардиола шогирдлари келаси мавсум учун Чемпионлар лигаси йўлланмаси ва Англия кубоги учун курашни давом эттирмоқда.

Испаниялик мутахассис жамоаси мақсадга етолмаса нима бўлишини айтди.

- Мени эшитинг, ўзим ҳам Европа Чемпионлар лигасига чиқишимизни истайман. Хўш, бунга эриша олмасак нима бўлади? Бу муаммо бўлади, лекин фожеа эмас.

Премьер-лигада Чемпионлар лигасига чиқа олмаган ва кейинчалик яна бу мусобақада қатнашган жамоалар бор. “Манчестер Сити” турнирда кетма-кет қанчадан бери қатнашиб келяпти? Ўн йилми? Йўқ, ундан ҳам кўпроқ.

Лекин бунгача “Манчестер Сити” Чемпионлар лигасига умуман чиқа олмаган. Биз имконсиз нарсаларни қилишга ўрганиб қолганмиз ва яна шундай қиламиз. Биз албатта бу турнирга чиқамиз, - деди Хосеп Гвардиола.