Гвардиола “Сити” инқирозига сабаб бўлган энг катта хатосини ошкор қилди

Кетма-кет тўрт маротаба Англия Премьер-лигаси чемпионлигига сазовор бўлган “Манчестер Сити” жорий мавсум ўз унвонини “Ливерпуль”га бой бериб қўйди.

“Шаҳарликлар” гегемонлигининг синишига жамоа чемпионатнинг биринчи қисмида дуч келган инқироз сабаб бўлганини ҳамма билади.

Хосеп Гвардиола бу борада бош мураббий сифатида катта хатога йўл қўйганини энди тушуниб етганини эътироф этди.

- Энди Нико О’Райлини нега ноябрь, декабрь, январь ва февралда ўйнатмадим экан, деб ўйлаб қоляпман. Жеймс МакЭйти борасида ҳам шу гап. Мен уларни майдонга туширишим керак эди.

Ўша пайт мен уларни ҳали катта учрашувларга тайёр эмас, деб ўйлагандим. Энди нималар бўлаётганига бир қаранг. Улар тайёр экан, шунинг учун ҳам майдонда, - деди Хосеп Гвардиола.