Гвардиола: "Улар кучли, биз эса...

Пеп Гвардиола "Манчестер Сити" - "Атлетико" (1:0) тўқнашуви ҳақида ўз фикрларини билдириб ўтди. 

"Жуда ҳам тенгма-тенг ва мураккаб ўйин. "Атлетико" - жамоа бўлиб ҳимояланишда мастер. Бу осон эмас. Рақибга ҳужум қилишга имкон бермай, сабр қилдик. 

Биз "Атлетико"ни 5-3-2 схемасида ҳаракатланишини кутгандик. Бироқ улар ўйинга мослашиб олгач, 5-5-0 тактикасига ўтиб олишди. 

Бугун, аввал ва юз минг йилдан кейин ҳам бу каби услубда тўп тепадиган жамаоларга қарши ҳужум қилиш қийин. Сабаби, бўш ҳудуд умуман йўқ. 

Улар кучли, биз кичик ва енгилмиз. Учрашувни сабр эвазига ютиб кетдик. Ўйлайманки, жавоб баҳсида жамоалар бугун гол урилган вазиятдан кейинги ўйинларини намойиш этади. 

Ушбу беллашувдан сабоқ оламиз ва яхшироқ бўлишга интиламиз", - деди "шаҳарликлар" устози.