Гвардиола ёзда яна ҳимоячи олиб келмоқчи

"Манчестер Сити" бош мураббийи Хосеп Гвардиола ёзги трансферлар ойнасида кучайтирмоқчи бўлган позициясини маълум қилди.

- Ёзда бизга янги ҳимоячи керак бўлади. Бу аниқ. Нико О'Райли ёрдам беряпти, бироқ, у чап қанот ҳимоячиси эмас, - дея Гвардиоланинг сўзларини келтирди журналист Фабрицио Романо.

Маълумот учун, Англия Премьер-лигасининг 32-тури якунига кўра, "Манчестер Сити" 55 очко тўплаб, турнир жадвалида бешинчи ўринни эгаллаб турибди.  "Шаҳарликлар"нинг навбатдаги рақиби "Эвертон" бўлади.