Гвардиолада ҳимоячилар орасидаги жароҳатлар ташвиш уйғотяпти

"Манчестер Сити" бош мураббийи Пеп Гвардиола жамоа ҳимоячиларининг кўп сонли жароҳатлари ҳақида хавотир билдирди.

"Албатта, жароҳатлар жуда кўп. Жон Стоунс неча ойга сафдан чиққанини билмайман, ҳозир Рубен Диаш ҳам жароҳат олди, Йошко Гвардиол ҳам ўйнай олмайди, Натан Аке эса — биз унинг мунтазам ўйнай олмаслигини биламиз.

Бу — вазият. Ўтган мавсумда ҳам худди шундай бўлган эди. Шунинг учун бардошли бўламиз ва ечим топамиз. Руҳият жамоада бор ва бўлади ҳам. 

Албатта, хавотирдаман. Бугун захира ўриндиғини кўрдингизми? Академиядан уч нафар футболчи бор эди, энди яна қўшилади. Ҳозир бизда футболчилар етишмаяпти. Бу — ҳақиқат.

Ҳимоя чизиғига қўшимча қилиш керакми? Йўқ. Ҳозирча йўқ, лекин нима бўлишини кўрамиз. Чунки Рубен Диаш — жуда катта йўқотиш, Йошко Гвардиол ҳам шундай. Улар ўртасида шаклланган жуфтлик бизни ҳозирги даражага олиб келган эди",  — дея таъриф бери ўтди манчестерликлар мутахассиси.