Гюлер: "Реал" афсонасига айланишни хоҳлайман"

Мадриднинг “Реал” клуби янги футболчиси Арда Гюлер келажакда “қироллик клуби” афсонасига айланишга умид билдирди. Туркиялик футболчи Карло Анчелотти жамоасида 24-рақамда ўйнаши малум бўлди.

"Аввало, оиламга ва бу клубга келишимга ёрдам берган инсонларга раҳмат айтмоқчиман. Келажакда "Реал" Мадрид афсонасига айланишни хоҳлайман. Ҳаммаси учун раҳмат”, - деди 18 ёшли ярим ҳимоячи тақдимот маросимида.

Аввалроқ, Гюлерда "Барселона"га ўтиш имконияти бор эди, аммо якунда "Реал" пойгада ғолиб чиқди. Ярим ҳимоячининг трансфер нархи 20 миллион евро атрофида эди.