Ҳабиб Нурмагомедов Алискеровга Уиттакер билан жанг олдидан бир қанча маслаҳатлар берди

UFC нинг ўрта вазн (83,9 кг) тоифасидаги жангчиси Икрам Алискеров Роберт Уиттакерга қарши жанги олдидан Ҳабиб Нурмагомедовдан маслаҳат олганини айтиб ўтди.

 "Жангга рози бўлганимда маслаҳат олиш учун Ҳабибга қўнғироқ қилдим. У мени эшитгач, бундай имкониятларни қўлдан бой бермаслигим кераклигини айтди. Ҳабибнинг олдига бориб, икки-уч кун қаттиқ меҳнат қилиб, тер тўкиб иқлимга мослашишимни маслаҳат берди. Қандай жанг қилиш ҳақида сўраганимдан, диққатлироқ ҳаракат қилишим, Уиттакернинг муштларидан эҳтиёткор бўлишим зарурлигини айтди", – деди Алискеров.

Эслатиб ўтамиз, Уиттакер(25-7) ва Алискеров(15-1) ўртасидаги жанг 22 июнь куни Саудия Арабистонида бўлиб ўтади.