Ҳабиб Нурмагомедов: Унга “Олтин тўп” беринглар!

Футболга қизиқиши билан ажралиб турадиган аралаш жанг санъатлари устаси Ҳабиб Нурмагомедов жорий йил якуни бўйича қайси футболчи “Олтин тўп”га муносиб эканини айтиб ўтди.

Машҳур спортчининг фикрича, бу совринга Франция терма жамоаси ярим ҳимоячиси Нголо Канте лойиқ экан.  

Таъкидлаш жоизки, Канте “Челси” таркибидаги фантастик ўйини билан жамоасининг Европа Чемпионлар лигасида бош совринни қўлга киритишига катта ҳисса қўшди. Бундан ташқари, мавсум давомида заиф кўринган лондонликлар ушбу ярим ҳимоячи ҳаракатлари эвазига кучли тўртликдан жой олди.