Ҳамиджон Актамов: "Насаф"га доимо ҳавас қилганман

"Бугун мухлисларга ёқадиган ажойиб ўйин бўлди. Бугунги баҳс, шахсан менга жуда ҳам маъқул келди. Бугун бизнинг жамоамизда ҳам кўплаб қулай имкониятлар бўлди. Лекин улардан унумли фойдаланишда бироз омадимиз келмади. Агар ўша вазиятлардан фойдаланганимизда, уйга 3 очко билан қайтган бўлардик.

Тўғриси, “Насаф” жамоасига ҳамиша ҳавас кўзи билан қараганман. Ушбу клубнинг инфратузилмаси, ёшлардан иборат жамоаси кўрсатадиган ўйин менга жуда ёқади. Бугун икки жамоа ҳам тенг ўйин намойиш этди ва якунда дўстлик ғалаба қозонди, - деб Актамовнинг сўзларини келтириб ўтди ПФЛ расмий сайти.