Ҳамма Лукакудан юз ўгирмоқда

“Челси” тарихидаги энг қиммат трансфер соҳиби – Ромелу Лукаку Англия чемпионатида ўзини кўрсата олмаганидан кейин ижара асосида “Интер”га қайтган эди.

Милан клуби бельгиялик ҳужумчининг аввалги хизматларини инобатга олиб, уни қайта сотиб олиш ёки шартномани яна узайтириш вариантларини ўрганиб чиқаётгани ҳақида маълумотлар ҳам тарқатилди.

Бироқ, Ромелу намойишў этаётган ўйин клуб раҳбариятини фикридан қайтарди. Энди миланликлар бир йиллик ижара ва маош миқдори 20 миллион еврога бориб қолишини ҳисоблаб, бу нархни қиммат санаяпти.

Лукаку жорий мавсумда А Серияда атиги битта гол ургани ва кўп жароҳат олаётгани бу ўйинчига бўлган эҳтиёжни кескин пасайтириб юборди.

Эслатиб ўтамиз, 2021 йилнинг ёзида “аристократлар” бельгиялик тўпурар учун “Интер”га рекорд сумма – 97,5 миллион фунт тўлаган.