Ҳамюртимизда ҳаммаси яхшими ёҳуд UFC 280 турнирида жанг қиладиган Маҳмуд Муродовнинг рақиби қай даражада кучли?

Ҳа, UFC 280 турнирига қизиқишни ўзбеклар учун икки ҳисси ошира олган факторлардан бири бу ҳамюртимиз Маҳмуд Муродовнинг (25-7) бразилиялик умидли жангчи - Кайо Борральога (8-1) қарши жангидир. Sports.uz сайти қўлдан келган ушбу жангдаги иккала жангчининг ҳам имкониятларини чамалашга ҳаракат қилиб кўрди.

 Ўзбек жангчиси Маҳмуд Муродов сўнгги жангини ўтган йилнинг август ойида ўзидан кўра, анчайин мавқеъга эга Джеральд Меершартга қарши ўтказди. Дастлабки раундда "Mach"нинг режаси яхши иш бераётганди. Аммо, иккинчи раунд бошланиши ҳамоно кардио масаласида сусткашликлар бошланди ва Меершарт курашдаги хатолардан тўғри хулоса чиқарган ҳолда Муродовни сабмишенга гирифтор қилди. Бу жанг шни кўрсатдики, дунёнинг энг етакчи промоушени "қозонида қайнашни" истар экансан, сенг фақатгина ажойиб боксчининг техникаси камлик қилади. Сен курашдаям кучли бўлишинг зарур.

Бразилиялик иқтидор соҳиби эса том маънода Маҳмуддан фарқланади. Кайонинг ўтказган сўнгги иккита жангини кўриш орқали ҳам ўз тахминларимизни тасдиқлашимиз мумкин. Масалан, Гаджи Омаргаджиев ва Армен Петросян каби стойка вакилларининг Кайодан мағлубиятган учраганининг ўзидаёқ Жанубий Америка вакили қай даражада бош оғриқ эканлигини англашга ҳизмат қилади. Шунингдек, Борральо Швецияда жойлашган All Starts Gym машғулотлар залида Ҳамзат Чимаев билан машғулот ўтказганининг ўзиёқ мухлисларни у борасида анча сергак тортишга мажбурлайди.

Шунақанги кучли курашига қарамасдан, Борральо ҳам енгилмас монстер эмас ва Муродовда мавжуд ажойиб тайминг, футворк, энг асосийси тезкор бомбалар Кайони ҳам мувозанатдан чиқара олади. Лекин, иш фақатгина бокс элементларига бориб тақалмайдида. Бу вазиятда курашдан эсон-омон чиқиб ола олса, деган жумла ҳам мавжуд. Жанг ММА қоидалари асосида ўтказиларкан таъкидлаш жоизки, бразилиялик проспектнинг ҳамюртимизга қараганда ғалабага нисбатан имкониятлари юқорироқ. Шундай бўлсада барчасини жанг ҳал қилади ва унда Маҳмуднинг қўли баланд кўтарилишини ҳар қанақасига хоҳлаймиз. Олға, Муродов!