"Hardcore Boxing" промоушени Майк Тайсон ва Эвандер Холифилд жангини ташкил қилмоқчи

Россиянинг "Hardcore Boxing" промоутерлик компанияси оғир вазн тоифасидаги собиқ чемпион Майк Тайсонга Эвандер Холифилдга қарши учинчи жанги учун 10 миллион доллар таклиф қилмоқда. Бу ҳақда ташкилот раҳбари Aнатолий Сульянов матбуот анжуманида маълум қилган. Шунингдек, мазкур лига шу йил бошида оғир вазн тоифасида UFC чемпиони Френсис Нганнуга Тимур Слашчин билан жанг учун 2 миллион доллар таклиф қилган эди.

“Нганну бўйича бизнинг таклифимиз ҳали ҳам кучда, худди Тайсон ва Холифилдга мос равишда 10,5 миллион долларлик таклиф каби", - дея Сульяновнинг сўзларидан иқтибос келтирмоқда Спорт-Экспресс.

Маълумот учун, Майк Тайсон ҳамда Эвандер Холифильд ҳам шоу жангларида иштирок этган. Жумладан, Тайсон Рой Жонсга қарши тўқнашувда дуранг қайд этган бўлса, Холифилд собиқ UFC чемпиони Витор Бельфордга мағлуб бўлган эди. 

Фикрлар

Фикр қолдириш учун авторизациядан ўтинг!