Ҳарри Кейн “Арсенал”дан ҳайдалгани ошкор бўлди

“Арсенал”ни катта ғалабалар сари етаклаган собиқ бош мураббийи Арсен Венгер Англия терма жамоаси ва Тоттенхэм”нинг етакчи ҳужумчиси Ҳарри Кейн “канонирлар” академиясида тарбияланганини билмаганини тан олди.

Маълум бўлишича, англиялик ҳужумчи болалигида “Арсенал” академиясида футбол сир-асрорларини ўрганган. Бироқ, бир мавсумдан сўнг “канонирлар” бўлажак юлдузни клубдан ҳайдаб юборган.

- Бу ҳақида умуман билмас эдим. Ўшанда тўққиз ёш бўлган экан. Ҳарри Кейн бизда ўйнаганидан хабарим бўлмаган. Билганим 11 ёшида “Тоттенхэм”га борган, - деди Арсен Венгер SPORTBible нашрига берган интервьюсида.

28 ёшли Ҳарри Кейн айни пайтда Англия терма жамоаси сардори ҳисобланади.