Hasanboy Do‘smatov kubalik raqibini qiyinchiliksiz taslim etdi. Hamyurtimiz chorak finalda!

Toshkentdagi "Humo arena"da boks bo‘yicha erkaklar o‘rtasidagi jahon chempionati davom etmoqda.

Bugun vakillarimizdan birinchi bo‘lib -51 kg vazn toifasida Hasanboy Do‘smatov kubalik Romero Reyes Erislanga qarshi ringga ko‘tariladi. Jang tahminan 14:15dan so‘ng boshlanadi.

O‘zbekistonlik bokschi jang o‘tkazmasdan keyingi bosqichga yo‘l oldi

Bokschilar ringga chiqib keldi. Hamyurtimiz ko‘k libosda, uning raqibi qizil formada harakat qiladi.

Hasanboy birinchi raundni o‘z foydasiga hal etdi - 5:0.

Hakamlar ikkinchi raundda ham hamyurtimizning ustunligini qayd etishdi - 5:0.

Oxirgi raundda kubalik bokschi ham bir ochko ishladi - 4:1. Yakuniy hisob 5:0 Hasanboy Do‘smatov foydasiga. Vakilimiz chorak finalga yo‘l oldi.