Haydalishi ortidan soqqani bosuvchi Mourino
Joze Mourino ishdan bo‘shatilishi ortidan 100 million evrodan ortiq tovon puli ishlab topgan.
Portugaliyalik mutaxassis "Fenerbaxche" bosh murabbiyligidan bo‘shatildi. Turk klubi u bilan shartnomani bekor qilgani uchun 15 million evro to‘lab berishi aytilmoqda.
Ushbu iste’fo Mourinoning murabbiylik karerasidagi ettinchisi hisoblanadi.
"Record" nashri hisob-kitoblariga ko‘ra, murabbiy iste’folar ortidan 108 million evro tovon puli qo‘lga kiritgan.
Mutaxassisga "Chelsi" (ikki marta), "Real", MYu, "Tottenxem" va "Roma" kabi klublar ham shartnoma bekor qilingani uchun pul to‘lab bergan.
Fikrlar