Ҳеч бир терма жамоа пенальтилар сериясида бу қадар кўп ютқазмаган

Англия терма жамоаси “Евро-2020” финалида пенальтилар сериясига кўра Италияга имкониятни бой бериб қўйди. Шу тариқа инглизларнинг қитъа чемпионатларида пенальтилар сериясида ютқазган ўйинлари сони 4 тага етди.

УЕФА расмий сайтининг хабар беришича, Европа чемпионатлари тарихида ҳали ҳеч бир терма жамоа пенальтилар сериясида бу қадар кўп мағлуб бўлмаган.

Умуман олганда, жаҳон ва Европа чемпионати каби йирик турнирларда Англия терма жамоаси жами 9 марта пенальтилар сериясида иштирок этган. Инглизлар шуларнинг бор йўғи 2 тасида ғалаба қозонишган холос.

Англия ўз тарихида биринчи марта Европа чемпионлигини қўлга киритиши мумкин эди. Бироқ, Италия бунга имкон бермади.