Ҳэмилтоннинг дўсти энг кучсиз жамоага ўтиши мумкин

Ф1 вакили Лоуренс Барреттонинг сўзларига кўра, Боттас Кевин Магнуссеннинг ўрнини босиши учун асосий давогар, У "Ҳаас"нинг келаси йил шортлистида биринчи ўринда туради. Миш-мишларга кўра, Магнуссен жамоанинг келгуси йил учун режаларидан тушиб кетган, трансфер бозорида бошқа кўплаб тажрибали ҳайдовчилар бор. Магнуссен кетишига асосий сабаб - бу йил тўплаган жарималар сони. Даниялик йил бошидан бери содир бўлган бир нечта воқеалардан сўнг дисквалификация арафасида турибди.

Нико Хьюлкенбергнинг ўрнини ким эгаллаши аллақачон ҳал бўлган. 18 ёшли Оливер Берман 2025 йилда  дебют қилади. Берман ну мавсум Саудия Арабистони Гран-присида,  Карлос Сайнс операция ўтказгани учун унинг ўрнида "Феррари"ни бошқарган эди ва жамоага очколар олиб келган эди.

"Ҳаас" Берман билан шерик қилиб, тажрибали ҳайдовчига эга бўлишни хоҳлайди ва Боттас бунинг учун идеал пойгачи. Валттери нафақат ақл бовар қилмайдиган даражада тез, балки у ҳар доим жамоавий ўйинчи бўлган ва Берманга янги жамоадош сифатида керакли ёрдамни бера олади.

Бироқ, финландиялик пилот "Ҳаас" эътибор қаратаётган ягона ҳайдовчи эмас. Эстебан Окон "Алпинь" билан шартнома узайтирмаслигини эълон қилганидан кейин, америкаликлар учун номзод бўлиб қолмоқда.