Ҳусанов ҳам кетди!

Энцо Мареска ва “Манчестер Сити” жамоаси 2026/2027 йилги мавсумда УЕФА Чемпионлар лигаси доирасидаги “Порту”га қарши илк ўйинини ўтказиш учун Португалияга йўл олади.

“Манчестер Сити” Чемпионлар лигасининг янги мавсумида ҳам ишончли стартни сақлаб қолишга интилмоқда. Жамоа Премьер-лигадаги дастлабки учта ўйинда “Борнмут”, “Кристал Пэлас” ва “Ковентри Сити” устидан ғалаба қозонди.

УЕФА Чемпионлар лигаси, шубҳасиз, Марескага ёқимли хотираларни эслатади. У “Манчестер Сити”да аввал ишлаган вақтида, яъни 2022/2023 йилги мавсумда Пеп Гвардиоланинг ёрдамчи мураббийси сифатида ушбу турнирда ғолиб чиққан.

Сешанба куни кечқурун “Порту”га қарши учрашув “Манчестер Сити”нинг қитъадаги тўртта сафар ўйинидан биринчиси бўлади. Португалиядаги баҳсдан кейин жамоа “РБ Лейпциг”, “Барселона” ва “Ланс” майдонига боради.

Сафардаги ўйинлардан ташқари, жамоа “Этиҳод” стадионида яна тўртта уй учрашувини  ўтказади. Улар орасида мусобақанинг амалдаги чемпиони “Пари Сен-Жермен”, шунингдек, “АЕК Афина”, “Наполи” ва январь ойи охирида лигавий босқичдаги иштирокни якунлайдиган “Спортинг”га қарши баҳслар бор.

Энцо Мареска “Манчестер Сити”нинг “Порту”га қарши ўйин учун 22 футболчидан иборат таркиб танлади ва Улар Португалияга борди.

Дарвозабонлар: Жанлуижи Доннарумма, Жеронимо Рулли, Маркус Беттинелли.

Ҳимоячилар: Рико Льюис, Матеуш Нуньеш, Абдуқодир Ҳусанов, Витор Рейс, Рубен Диаш, Марк Гуэхи, Йошко Гвардиол, Райан Айт-Нури.

Ярим ҳимоячилар: Айюб Буадди, Матео Ковачич, Эллиот Андерсон, Энцо Фернандес, Фил Фоден, Райан Шерки.

Ҳужумчилар: Райан МакАйду, Антуан Семеньо, Аллан Элиас, Илиман Ндиай, Эрлинг Холанд.

Хўш, кимлар таркибдан тушиб қолди ва нима учун?

Сафар ўйинига йўл оладиган жамоа таркибида клуб академиясининг икки битирувчиси – а Каден Брейтуэйт ва Флойд Самба йўқ. Уларнинг ҳар иккиси ҳам ёзда Энцо Мареска қўл остидаги “Манчестер Сити” асосий таркибига ўтказилган эди.

Ҳар икки футболчи ҳам Португалияда “Манчестер Сити”нинг 19 ёшгача бўлган ёшлар жамоаси сафида майдонга тушиши кутилмоқда. Улар Португалияда УЕФА Ёшлар лигасидаги иштирокини бошлайди. Бу асосий жамоанинг турнирдаги иштироки билан бир вақтда кечади.

Жисмоний ҳолат ва жароҳатларга келсак, ўйинга йўл олаётган жамоа таркибида Нико О’Райли ва Жереми Доку ҳам йўқ. О’Райли шанба куни “Этиҳод” стадионида “Ковентри Сити”га қарши ўйин олдидан бўлиб ўтган қизиш машғулоти вақтида белидан жароҳат олди. Англия терма жамоаси футболчиси ўйин бошланишидан олдин асосий таркибдан чиқарилди. Бу эса 125 миллион фунт стерлингга сотиб олинган ярим ҳимоячи Энцо Фернандесга “Манчестер Сити” сафида кўпчилик кутганидан эртароқ дебют қилиш имконини берди.

Докуга келсак, бельгиялик футболчи болдир мушагидан олган жароҳатидан тикланишда давом этмоқда. У ушбу жароҳатни Англия Суперкубоги учун “Арсенал”га 0:3 ҳисобида мағлуб бўлинган учрашувда оғирлаштириб олган. Айрим хабарларга кўра, ушбу муаммо унда футбол бўйича жаҳон чемпионати олдидан ўтказилган ёзги йиғинлар вақтида биринчи марта пайдо бўлган.

"Сити" Ҳусановга рақобатчини ПСЖдан танлади

Ҳусанов ва Доннарумма хатосига Мареска қандай муносабат билдирди?

Легионер! Ўзбекистон терма жамоаси ўйинчиси янги жамоага ўтди