"Сити" Ҳусановга рақобатчини ПСЖдан танлади
Англиянинг етакчи клублари — «Арсенал» ва «Манчестер Сити» Европа Чемпионлар лигаси ғолиби «Пари Сен-Жермен» ва Эквадор терма жамоасининг марказий ҳимоячиси Виллиан Пачога жиддий қизиқиш билдирмоқда, деб хабар бермоқда CaughtOffside нашри ўз манбасига таяниб.
Манба маълумотларига кўра, ҳар икки жамоа 24 ёшли ҳимоячи бўйича батафсил скаутлик ҳисоботларини тайёрлаб бўлган. Клуб вакиллари яқинда Франция чемпионати доирасидаги «Лилль»га қарши ўйинни ҳам жонли кузатишган. Ушбу беллашув 2:2 ҳисобида якунланган.
Пачонинг тезкорлиги, жисмоний бақувватлиги, тўп билан ишлашдаги ишончли ўйини ва ҳимоядан ҳужумни бошлаб бериш қобилияти инглиз клубларини ўзига жалб қилмоқда. «Арсенал» уни яна бир юқори даражали чап оёқли марказий ҳимоячи сифатида кўриб чиқмоқда.
«Манчестер Сити» эса, айниқса, унинг аниқ узатмалари ва тезда ҳимояга қайтиш маҳоратини юқори баҳоламоқда.
Аввалроқ футболчи ўйинини «Ливерпуль» ва «Реал» скаутлари ҳам кузатгани хабар қилинган эди. Бироқ ҳозирча эҳтимолий харидор клублардан ҳеч бири ПСЖ билан расмий музокара бошлагани йўқ.
Пачони қишки трансфер ойида қўлга киритиш имкониятини унинг яқинда парижликлар билан 2031 йилгача мўлжалланган янги шартнома имзолагани ҳам қийинлаштирмоқда. Шунингдек, у Луис Энрике жамоасида муҳим фигура бўлиб қолмоқда: ҳимоячи Лига 1нинг жорий мавсумидаги дастлабки уч ўйинни тўлиқ майдонда ўтказди.
Нашр таъкидлашича, ПСЖни эквадорлик футболчи билан хайрлашишга кўндириш учун фақат жуда манфаатли таклиф ва Пачонинг ўзи клубни тарк этиш истагини билдириши кифоя қилади.
Шу боис, январь ойида «Арсенал» ва «Манчестер Сити» катта эҳтимол билан ҳимоячини кузатишни давом эттиради, аммо уни сотиб олиш бўйича аниқ қадам ташламайди.
Эслатиб ўтамиз, "Манчестер Сити"дан Натан Аке, Жон Стоунз каби марказий ҳимоячилар кетганига қарамай, бу позицияда рақобат жуда кучли. Хусусан, Энцо Мареска айрим учрашувларда марказий ҳимоячи ҳисобланган Абдуқодир Ҳусановни ўнг қанотда ўйнатишига тўғри келмоқда.
Ҳусанов ва Доннарумма хатосига Мареска қандай муносабат билдирди?
Легионер! Ўзбекистон терма жамоаси ўйинчиси янги жамоага ўтди
Беҳруз Каримов Швейцария чемпионлигига даъво қиляпти!
Ҳусановга қийин ғалабадан кейин неча балл берилди?
Рақибни ўтказмаган Ҳусановнинг ўйини қандай баҳоланди?
Элдор кўп гол уряпти! Суперклубга Шомуродовни олишни тавсия қилишди
Нега фарқ ўта катта? Ҳусанов ва Сатпаев маошини солиштиришди
Рақиб мураббийи Шомуродов ҳақида қаттиқ гапирди!
Фикрлар