Ҳусанов келаси учрашувда майдонга тушиши мумкин. Бу ҳақида Гвардиола гапирди (матбуот анжумани)

Хабарингиз бор, Хосеп Гвардиола бошчилигидаги "Манчестер Сити" Клублар ўртасидаги Жаҳон чемпионатида ўз юришини "Видад"га қарши бошлаб, ишончли 2:0 ҳисобида муваффақиятга эришди. Ушбу беллашувдан сўнг испаниялик мутахассис матбуот анжуманида иштирок этиб, кўплаб қизиқарли саволларга тўлиқ жавоб берди.

Кевин де Брюйненинг жамоадан кетиши: "Де Брюйненинг ўрнини босиш қийин, унинг сифати шубҳасиз. Бироқ, клуб Райан Шеркини танлади, чунки у жарима майдонига яқин жойда ажойиб маҳорат, кучли кўриш қобилияти ва кўп ҳолларда тўп узатиш қобилиятига эга. Бу фақат қийин шароитларда ўтган биринчи ўйин эди. Унинг бу ерга келганидан жуда мамнунман". 

Тийани Рейндерс ҳақида: "Жуда яхши футболчи. Жуда яхши. Буни ҳис қиласиз, сезасиз. У ўз маромига тушганда энг юқори чўққига чиқади. У ерда Нико Гонсалес ҳам бор. Матео Ковачич ҳам қайтиши мумкин. Мен Тийанини кўпроқ юқори позицияларда кўраман"

Бўлиб ўтган учрашув ва келаси ўйин: "Кўплаб футболчиларга ўйин вақти беришимиз керак. Акс ҳолда, улар узоқ муддатли жароҳатдан сўнг ўйнамасалар, ҳеч қачон каттароқ ютуққа эриша олмайдилар. Кейинги ўйинда ("Ал-Айн"га қарши) 10 та янги футболчи майдонга тушиб, ғалаба қозонишга ҳаракат қилади".

Мухлисларнинг оқими: "Мен биринчи марта АҚШга тайёргарлик йиғинига келганимизни эслайман – кўп одам йўқ эди. Энди эса кўпроқ "кўк" либослар, тобора кўпаймоқда – бу яхши!".

Родрининг майдонга тушиши: "30 дақиқа – бу фақат биринчи қадам. У кўпроқ ўйнашни истайди, аммо бу биринчи қадам. Миянгиз нимани хоҳласа, онгингиз ҳам шуни хоҳлайди. Бироқ, кўпинча жараённинг ўзи ҳам муҳим ва бу жуда, жуда аҳамиятли". 

Ёзда таркибга жалб қилинган футболчилар: "Яхши ўйнашди! Тийани Рейндерс ҳақиқатдан ҳам ажойиб ўйин кўрсатди, Райан Шерки эса яхши лаҳзаларни намоён этди. Ҳаммамиз бир-биримизни билишимиз ва нима бўлишини кўришимиз керак".

Фил Фоден ҳақида: "Албатта, у бу мавсумда муҳим роль ўйнайди. У энди бошқача вазифани бажаради, ўша жойда кўпроқ бўлади. Бизда кўплаб 10-рақамли ўйинчилар бор, шунинг учун кўп нарсаларни мослаштириш керак, аммо буни аста-секинлик билан амалга оширамиз".

Рико Льюиснинг қизил карточка олиши: У тўпни олди, иккала оёғи ҳам майсада эди. Рамон Абатти "Йўқ, оёқлари ва оёғи баланд эди" деди. 
 
Лекин у майсада-ку! Бу табиий ҳолат! Риконинг мутлақо ҳеч қандай ёмон нияти йўқ эди, аммо бунинг аҳамияти йўқ, бўлган иш бўлди".

Турнир старти ҳақида: "Жаҳон чемпионатидаги биринчи ўйинлар доим қийин кечади. Биз кучли ритмга эга жамоага қарши ўйнадик. Лекин баъзи паллаларда биз ҳам жуда яхши ҳаракат қилдик. Бу биринчи қадам. Ҳаммаси яхши бўлади. Иккинчи ўйинда яхшироқ бўламиз" - дея ўз фикрлари билан ўртоқлашди манчестерликлар мутахассиси.

Ҳамюртимиз Абдуқодир Ҳусанов нега бўлажак учрашувда майдонга тушиши мумкин? Гвардиола келаси беллашув ҳақида гапираётганда 10 та футболчи ротация қилинади ва ғалаба қозонишга ҳаракат қилади, деб таъриф бериб ўтди.

Эслатиб ўтамиз, Клублар ўртасидаги жаҳон чемпионатининг 2-туридан ўрин олган "Манчестер Сити" - "Ал-Айн" учрашувини 23 июнь куни соат 06:00 да старт олиши режалаштирилган.