Ҳусанов нега ўйнамаётгани сабаблари ошкор қилинди

Абдуқодир Ҳусанов “Манчестер Сити”даги охирги учрашувини 30 март куни Англия кубоги чорак финалида “Борнмут”га қарши ўтказган эди. Ўша баҳснинг иккинчи бўлимида ўрнини Нико О‘Райлига бўшатиб берган ҳамюртимиз ёш жамоадошига асосий таркибдаги жойини ҳам бой берди.

“Шаҳарликлар” бош мураббийи Хосеп Гвардиола қарийб бир ой давомида ўзбек футболчисини бирор дақиқа ўйнатгани йўқ. Испаниялик мутахассис бу қарорини жамоада ички рақобат кучли экани, Нико  О‘Райлининг чап қанотда самарали ўйнаётгани, Рубен Диаш ва ҳимоя марказига кўчган Йошко Гвардиол бехато ҳаракат қилаётгани билан изоҳлади.

“Манчестер Сити”нинг февраль ойидаги энг зўр ўйинчиси бирданига асосий таркибдан олингани нафақат ўзбекистонлик мухлислар, балки “шаҳарликлар”нинг бутун дунёга ёйилган ишқибозларида ҳам ҳақли саволларни келтириб чиқарди.

Нуфузли манбалардан бири – manchestercity.news сайти мутахассиси Даррен Луни Англия футболини ёритаётган бир неча манбалар ва экспертларнинг Абдуқодир Ҳусанов тушиб қолган вазият бўйича изоҳларини эълон қилди.

- Абдуқодир Ҳусановнинг “Манчестер Сити”даги ҳаёти осон кечаётгани йўқ. “Ланс”дан “Этихад”га 33 миллион фунт стерлинг эвазига олиб келинган 21 ёшли ҳимоячи Лига 1 ва Премьер-лига футболи ўртасидаги фарқни дарров ўзида ҳис қилди.

Йил бошида Хосеп Гвариола жамоасига қўшилиши билан тўққизта учрашувда иштирок этган ўзбек легионери мана кейинги олтита учрашувда кўриниш бергани йўқ. Бу “Манчестер Сити” мухлисларида турли саволларни келтириб чиқармоқда, - деб ёзди Даррен Луни ва фанатлар  саволларига жавоб тариқасида бир неча экспертлар ва манбалар изоҳини келтирди.

Дион Дублин:

“Манчестер Сити” Абдуқодир Ҳусановнинг майдондан ташқаридаги ҳаётидан ҳайратга тушди. 21 ёшли футболчи ўзи учун ҳар томонлама бошқача бўлган янги муҳитга тезроқ ва чуқурроқ мослашиш учун қўлидан келганини қилмоқда.

Ҳусанов бразилиялик Витор Рейс билан дўстлашиб олди ва бу алоқалар ўзаро ҳамкорликка айланиб боряпти.

“Манчестер Сити” фанатлари келажакда бу ўйинчи келтирадиган самараларни кўриши аниқ. Чунки Ўзбекистон терма жамоаси ўйинчиси келаси мавсумга ҳозирдан тайёргарлик кўряпти.

 Daily Mail:

“Манчестер Сити”га келишдан олдин Ҳусанов бир ой давомида жиддий шуғулланмагани ўз таъсирини кўрсатмоқда. Бу биринчи навбатда, Франция чемпионатидаги қишки танаффус билан боғлиқ. Кейин Манчестерга трансфер яқинлашгани учун “Ланс” бош мураббийи Уилл Стилл уни гуруҳ машғулотларига жалб қилмади.

Қўшимчасига  Нико О'Райлининг чап қанотда пайдо бўлиши, ҳимоя марказида Рубен Диаш ва Йошко Гвардиол яхши ўйнаётган ва Хосеп Гвардиола тўрт ҳимоячи билан ўйнай бошлагани Ҳусановнинг четга чиқишига туртки бўлди.

Энди Ҳусанов 2025-2026 йилги чемпионат бошлангунича мавсумолди йиғинларидаги тайёргарлик жараёнида яна ўзини кўрсатиш орқали асосий таркибга қайтишга уриниб кўради.

Рой Кин:

“Манчестер Сити”даги ҳаётинингдастлабки мураккаб босқичидан кейин иқтидорли ўйинчи Абдуқодир Ҳусанов фаолиятида ҳаммаси ўз изига тушади.

Таъкидлаш лозимки, экспертлар Абдуқодир Ҳусановнинг майдонга туширилмаётган кўпроқ Гвардиоланинг мавсумнинг ҳал қилувчи палласида асосан натижа учун ўйнаётгани, УЕФА Европа Чемпионлар лигаси йўлланмаси ва Англия кубоги қўлга киритилмагунича беллашувларда самара келтираётган тўрт ҳимоячи билан ўйнаш усулини қўллашда давом этади.

Ҳозирча ўйинларга жалб этилмаётгани Ҳусановга мулоқотда муҳим бўлган инглиз тилини ўрганиш ва бош мураббийнинг футболчиларга қўяётган талабларини чуқурроқ англаб етиш учун қўшича вақт ва имконият беради.

“Манчестер Сити” мутасаддилари Абдуқодир Ҳусановнинг ноёб иқтидор эгаси эканини яхши билади ва жамоадаги вазият ижобий томонга ўзгариши вақт масаласи экани айтилмоқда.

Раньери ва Шомуродов А Серияни даҳшатга солмоқда

Ҳусановнинг жамоаси "Реал" билан катта ишга қўл урмоқда

Шомуродов “Рома”нинг “топ-5”даги тарихий рекордини таъминлаб берди!