Ҳусановни “Ланс” раҳбарияти ва мухлислари қандай қарши олди?

Ўзбекистон миллий терма жамоаси марказий ҳимоячиси Абдуқодир Ҳусановнинг Франция вице-чемпиони – “Ланс”га трансфери расман эълон қилинди.

19 ёшли футболимиз 2027 йилга қадар “Ланс” шарафини ҳимоя қилади. Абдуқодир янги жамоасида 25 рақамда ўйнаши ҳам ҳал бўлди.

“Ланс” бош директори Арно Пуйе:

Артуа замини – футбол ва меҳмондўстлик ўлкаси. Ҳусановнинг трансфери алоҳида аҳамият касб этади. Чунки “Ланс” тарихида илк бор Марказий Осиёдан футболчи келди. Абдуқодирнинг катта умид бағишлаётган салоҳияти ва майдондаги ишончли ўйинлари бизнинг жонли қизиқишимизга сабаб бўлди.

19 ёш бўлишига қарамай, Ўзбекистон миллий терма жамоасининг кўзга кўринган ўйинчиси мукаммал ўйин намойиш қилмоқда ва ўйинни жуда яхши ўқий олишини кўрсатди.

Бош мураббий Франк Хейз жамоасига қўшилиш орқали ўсишга интилишини намоён қилиши лозим. Францияга келгани ва миллий чемпионат унинг ёш ҳаётига жиддий ўзгаришларни олиб киради ва мослашиш жараёни учун вақтни талаб этади. Бу даврда у сабрли ва матонатли бўлиши керак.

Биз унинг салоҳиятига ишонамиз ва аста-секинлик билан бўлса ҳам , сафимиздан мустаҳкам жой олишини кутамиз. Бу йўлда Абдуқодир клуб раҳбариятига ҳам, жамоадош дўстларига ҳам суяниши мумкин.

Vieux supporter:

Келаси йили биз Кевин Дансони ушлаб қолмаймиз. Фекундо Медина ҳам жамоани тарк этиш эҳтимоли катта. Уларнинг ўрнини мана шу ёш ўзбек футболчиси эгаллайди.

Vindu:

Иқтидорли ўйинчи экан. Яхши танлов бўлди. Энди мослашиш жараёнидан тезроқ ўтиши керак.

Weedomaker:

Ўзбек футболчиси жамоамизга келди. Ким ҳам Ўзбекистон деган мамлакатдан ўйинчи олиб келинишини ўйлабди, дейсиз?

Ricou62:

Жамоамизга яна бир янги миллат вакили қўшилди. Унга хуш келибсан, деймиз.

Tony:

Бу ҳақиқатан яхши танлов. Чунки Ҳусанов ёш ва иқтидорли, Дансонинг ўрнини эгаллай олади. Биринчи йили унинг кўникиб олиши учун вақт ва ўйин амалиёти бериш керак. Келаси йилдан нималарга қодирлигини кўрсата бошлайди. Ҳусанов жаҳон чемпионатида буни исботлай олди. Мана шундан талантни топиб, трансферни тез амалга оширган мутасаддиларнинг маҳоратига қойил қолиш керак.

Romses78:

Ҳусанов тезроқ мослашишига умид қиламиз. Тўғриси, бу кутилмаган трансфер бўлди. Энди легионер ўзини кўрсатиши керак.

Jean-guy62:

Ҳусанов Халқаро спорт тадқиқотлари маркази – CIES томонидан дунёнинг энг иқтидорли ёш ҳимоячилари қаторига бежизга киритилмаган бўлса керак?!

Alain53:

Бу жуда қизиқарли трансфер. Ёш ўйинчи учун имконият. Бироқ, Ўзбекистондан Беларусь орқали Францияга келганидан кейин мослашув жараёни осон бўлмайди. Қолганини вақт кўрсатади.

“Ланс”нинг Ҳусановдан умиди катта!

Президент Шомуродов трансферини тасдиқлади!

Машҳур мураббий Шомуродовни асосий фигурага айлантиришга қарор қилди!