Ҳусановнинг жамоаси учта мақсад сари курашади

Англиянинг амалдаги чемпиони “Манчестер Сити” жорий мавсумда чемпионлик унвонини муносиб ҳимоя қила олмади. Бунга таркибдаги камчиликлар туфайли ўйин сифати ва кўрсаткичлар тушиб кетгани сабаб бўлди.

Энди “шаҳарликлар” январь ойидаёқ жамоага Абдуқодир Ҳусанов, Витор Рейс ва Умар Мармушни қўшиб олди.

“Манчестер Сити” етакчиларидан Фил Фоден жамоа учта мақсад учун курашишини маълум қилди.

- Жорий чемпионатда кучли тўртликка киришга ҳаракат қиламиз. Шунингдек, Европа Чемпионлар лигасида ҳамда Англия кубогида ғолиб чиқишимиз лозим. Бу биз учун мураккаб мавсум бўлди, лекин мақсадлар ўзгармай қолаверади. Барчамиз муваффақиятга эришиб, Премьер-лигадаги вазиятни ўнглай олишимизга ишонамиз, - деди Фил Фоден.