Ибрагимович "Аякс"га қайтиши мумкинлигини айтди

АҚШнинг "Лос-Анжелес Гэлакси" клуби форварди Златан Ибрагимович келажакда яна "Аякс"га қайтиши мумкинлигини инкор этмади.

“Мен аввал тўп сурган жамоаларимга қайтмасликни афзал кўраман. Бироқ, фаолиятимни якунлаганимдан сўнг “Аякс” директори бўлишим мумкинлигини инкор этмайман. Мен ушбу лавозимда ҳаммадан зўр ишлаган бўлардим”, - дейди Ибрагимович.

Маълумот учун, 37 ёшли Ибрагимович “Аякс” сафида 2001-2004 йилларда тўп сурган ва 110та ўйинда иштирок этиб, 48та гол уришга эришган.

Бундан ташқари у фаолияти давомида "Мальмё", "Ювентус", "Интер", "Барселона", "Милан", ПСЖ ва "Манчестер Юнайтед" каби жамоаларда ўйнаган.