Ибрагимович ҳақида "Милан" мухлислари учун яхши ва ёмон хабарлар бор

Швециялик ҳужумчи Златан Ибрагимович 16 октябрь куни Италия А Сериясининг “Верона”га қарши бўладиган навбатдаги турида “Милан”га ёрдам беролмайди.

La Gazzetta dello Sport нашри тарқатган хабарга қараганда, 40 ёшли футболчи пайшанбагача машғулотларда қатнашмайди. Аммо у 19 октябрь куни УЕФА Чемпионлар лигаси гуруҳ босқичи доирасидан ўрин олган “Порту”га қарши ўйинда майдонга тушиш имкониятига эга.

Златан жароҳати туфайли жорий 2021/2022 йилги мавсумда бор йўғи 1 та ўйинда майдонга тушди ва 30 дақиқа ҳаракат қилди. У ушбу ярим соат ичида “Лацио” дарвозасини ишғол қилишга эришди.

“Милан” айни дамда А Серия мусобақа жадвалида 19 очко билан 2-ўринда бормоқда. Пешқадам “Наполи” ҳисобида 21 очко мавжуд.

Фикрлар

Фикр қолдириш учун авторизациядан ўтинг!