Ибрагимович "Милан"да қолишни хоҳлаяпти, аммо...

“Милан” форварди Златан Ибрагимович ҳозирча янги мавсумни қаерда бошлаши ҳақида якуний қарорга келгани йўқ.

Corriere della Sera нашри тарқатган хабарга кўра, 38 ёшли швециялик футболчи “россонерилар” сафида қолишни истамоқда. Аммо, шу билан бирга у ерда йилига 6 миллион евро маош олишни ҳам хоҳлаяпти. Бу эса ўз навбатида “Милан” директори Иван Газидисга ёқмаяпти.

Златанда шунингдек Б Серияга чиққан “Монца” клуби ҳам қизиқмоқда. Ушбу жамоа эса Ибрагимович учун яхши таниш бўлган Сильвио Берлусконига тегишли. Уни “Милан”нинг собиқ раҳбари Адриано Галлиани бошқармоқда.

Бундан аввалроқ Ибрагимович ўзига тегишли бўлган Швециянинг «Хаммарбю» клубида ҳам ўйнаши мумкинлиги ҳақида хабарлар тарқалган эди.