Ибрагимович "Милан"га ўтишга розилик берди

Швециялик машҳур ҳужумчи Златан Ибрагимович тез орада "Милан" футболчисига айланади. Бу ҳақда ANSA нашри хабар бермоқда.

Юқоридаги манбаага кўра 38 ёшли футболчи Италия А Сериясига қайтишга тайёр.

Эслатиб ўтамиз, бундан аввалроқ “россонерилар” бир неча ҳафтадан буён Златан билан музокаралар ўтказишаётгани, аммо, муросага кела олишмаётгани ҳақида хабарлар тарқалган эди.

Маълумот учун, Ибрагимович айни дамда “Лос Анжелас Гелакси” клуби аъзоси ҳисобланади. Бироқ, унинг АҚШ клуби билан амалдаги шартномаси 31 декабрь куни ўз ниҳоясига етади.